|
| 呢兩日都好夜先訓....其實根本成個星期都係咁....訓唔著...好多野諗... 而家夜深人靜突然諗起一樣野,諗起究竟我身邊有幾多朋友!! 我想一想,好似會搵我既真係冇乜邊幾個...其實係咪我人緣唔係我想像中咁好呢? 我發現有好多野我都係主動搵人而冇人主動搵我..咁究竟又係佢地性格被動定我冇想像中咁受歡迎呢? 我成日會望住我msn張list,望下有咩人online,期待下有邊個會搵我..其實多數都冇....可能佢地真係忙,而我成日都好得閒....我講呢d野唔係想人or讀者會嗨我....只係想諗下...自己係咪有d野做得未夠好定係其實冇野好過? 有次我睇我一個朋友既xg,佢話自己咩唔好咩唔好,我心諗有心做既唔會話做唔好既....我今日而家問番自己,其實我有冇拎個心出黎做每一件事!!! 我有冇拎個心出黎讀書?如果有,點解而家仲係讀成咁;我有冇拎個心出黎交友?如果有,點解每次係我問佢地有咩分享而唔係佢地同我講呢...呢個世界唔單單冇不勞而獲,我覺得亦都冇一分耕耘一分收獲,因為一加一唔等於二,你想要二就要付出四or五...我冇後悔過自己之前做得咩唔好,但我登我身邊既朋友,家人唔開心..因為我做唔到真正令佢地開心既鄺家輝!! 我真係講得冇錯,夜深人靜真係人覺得寂寞,亂諗野既時間....而我而家都係有咁既感覺....不過我鐘意諗,因為當我諗完之後我就好累,就好想訓啦!! 睇黎我真係好唔鐘意用腦... | | |
| 又係好耐冇打xg...因為真係又冇野好打....讀書又死左...唉....睇黎我都逃離唔到英文呢樣野...唉..又要再讀英文!! 今日點解會打番xg呢,就因為佢....佢就係我女朋友...哈哈...今日突然之間覺得我呢個女朋友真係好,可能好多人都會話我自己當然會讚自己女朋友啦...但唔係咁簡單....因為佢真係做到野出黎比人讚..好似今日咁...佢整雲吞,當然我都有幫少少忙啦...佢對食呢樣野真係好講究,所以佢都會煮得好好,真係好開心有個會識野既女朋友...而家識煮野食既hk女仔已經唔多,仲要會煮既就更少...我都算幸福啦!!仲有,佢彈琴又ok..佢成日話自己唔勁,但對我呢個2級黎講佢真係勁啦!!好在,我運動叻過佢,不過遲早一日我會叫埋佢一齊同我做運動...咁就好啦~~ 生活淡淡,心情都係淡淡...希望遲d會好d啦...都希望快d搵到地方住...而家仲住緊遙遠既地方... | | |
| 莫非香港人係視錢財如糞土?!第一 ~~係尖咀zara見到一件想買既黑色冷3,百幾蚊,得番一件m size,諗住行多個round先買....點知冇左,比人買左囉...5-7分鐘到咋...... 第二 ~~琴日去unique見到差唔多既黑色冷3,百幾蚊,有好多件(真係好多呀),今晚去到睇,痴線架...今次雖然24小時,不過唔見左好多件囉,最少20件...居然得番件display...唉...真想講粗口... | | |
| 好耐冇打xg啦....唔知大家仲記唔記得我...仲掛唔掛住我呢? 今日我打xg,因為我好好彩,返左黎兩日就搵到工,今日就第日一返啦...原來我先返左黎5日咋....真係好....希望真係earn到下錢幫下屋人止..自己又可以用d...做野都幾好...幾開心...人對我都幾好.... 死啦...仲有唔係好多日就出成績啦....點算...唔得都唔知點算....講真個句,我知我點都會係番澳洲,但我真係好想入u...以前既我,係hk完全冇諗過會入到....而家既我就唔係啦...而家係好想入到....預自己入到..... 今日hk開始番風啦,大家都要小心身體呀....本身以爲係hk我冇機會著大件d厚d既褸...但而家覺得有機會喎!!! 唉...雖然返工係可以earn money...但好似冇得玩..朋友又好似冇得搵咁....但唔係一定好!!!希望有人會搵我啦...不過諗諗下真係去左澳洲,hk d朋友愈來愈少...究竟係咪我識得太多?! | | |
| 其實考完試好耐...不過懶得打xg....唉...考得唔係咁好...雖然我知只要我英文夠65%我就一定入到我想入個科....但其實都想考好d...成績好睇d.....我真係好驚英文過唔到,考完個時有信心覺得ok架,希望真係同我諗既一樣啦!!! 仲有兩日就返hk啦..我真係唔知自己係咪想返...我好想見到屋企人..但又好似好唔捨得呢邊....當我每次由澳洲返hk,我會好唔捨得澳洲,但當我由hk返澳洲既時候我又會好唔捨得hk喎~~自己都好矛盾!! 琴晚去左個fd度打機,打到3點幾先返屋企,原來真係有d失落...感覺係下年唔知仲可唔可以見到佢地,有d可能轉去其他地方,有d可能唔返返澳洲,有d可能係同大學但因為大家忙就搵唔番對方....覺得有d可惜!!唔好講得遠,其實下年仲會見番我而家roomate嘛?我真係唔知...我只可以肯定一樣野,就算點我都會番黎澳洲繼續學業....其他野我都真係唔知.. 唉...仲有兩日返hk...但我真係好肥囉而家....返到去都唔知點算...個個都咁瘦...我返到去一定係最肥個個!!! 如果返到去就搵到一份好辛苦既工令到我減到肥就好啦...而家見到自己個肚腩...真係頂唔順.... | | |
|
